На могілках побач са Спаса-Праабражэнскай царквой. Пабудавана ў 19 ст. з дрэва.

Вырашана ў традыцыях народнага дойлідства. Квадратны зруб пераходзіць у апсіду трохсценак, над якім 2-схільны дах мае вальмавую форму. Вынас даху на галоўным фасадзе падтрыманы 2 слупамі і завершаны чацверыковай званіцай. Гарызантальна ашаляваныя сцены прарэзаны прамавугольнымі аконнымі і дзвярнымі праёмамі.

Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.