Па благаславенні Высокапраасвяшчэннейшага Валянціна, архіепіскапа Гродзенскага і Ваўкавыскага, 20 кастрычніка 1992 года ў г.Ваўкавыску была зарэгістраваная царкоўная абшчына ў гонар Звеставання Прасвятой Багародзіцы. Указам архіепіскапа Валянціна, настаяцелем храма прызначаны протаіерэй Уладзімір Кішкун.

Першае набажэнства адбылося 6 студзеня 1993 года. На працягу доўгага часу царкоўныя набажэнствы праходзілі ў арандаваным будынку на тэрыторыі гарадской бальніцы (раней тут знаходзілася сталовая вайсковай часткі). Гарадскі савет г. Ваўкавыска вылучыў тэрыторыю для будаўніцтва будучага храма. Рыхтаваўся праект, дакументацыя.

22 лістапада 1995 года ў дзень святкавання іконы Божай Маці, названай «Скорапаслушніца», сталі асвойваць тэрыторыю. Прыбыў бульдозер, і пачаліся земляныя работы. Да канца 2000 г. было скончана будаўніцтва цокальнай часткі будучага храма.

10 снежня 2000 г. у дзень святкавання іконы Божай Маці, названай «Знаменне», было здзейснена асвячэнне храма ў гонар і памяць святых Віленскіх пакутнікаў Антонія, Іаана і Яўстафія. Асвячэнне храма здзейсніў Высокапраасвяшчэннейшы Філарэт, Мітрапаліт Мінскі і Слуцкі Патрыяршы Экзарх усяе Беларусі, у саслужэнні Праасвяшчэннейшага Арцемія, епіскапа Гродзенскага і Ваўкавыскага, і духавенства Мінскай і Гродзенскай епархій. З гэтага часу ў храме пастаянна здзяйсняюцца ўсе набажэнствы і працягваецца далейшае будаўніцтва храма, царкоўнага дома, званіцы.

3 студзеня 2001 г. у храм прынесены часцінкі мошчаў святых Віленскіх пакутнікаў Антонія, Іаана і Яўстафія (памяць 14 ⁄ 27 красавіка). 9 верасня 1999 г. св. праведнага Іаана Кармянскага (памяць 18 ⁄ 31 мая; 27 ⁄ 09 верасня). 9 красавіка 2002 г. - муч. немаўля Гаўрыіла (памяць 20 / 3 мая). 31 снежня 2003 г. - св. прападобнага Варлаама Чыкойскага (памяць 8 ⁄ 21 жніўня).

Пры храме дзейнічае нядзельная школа для дзяцей і дарослых, арганізавалася Братэрства для моладзі, вядуцца розныя гурткі, дзіцячы хор. У храме штодня вядзецца дзяжурства.

24 красавіка 2006 года Праасвяшчэннейшым Арцеміем, епіскапам Гродзенскім і Ваўкавыскім закладзена першая цагліна ў будаўніцтву верхняй часткі Благавешчанскага храма.

23 кастрычніка 2006 года скончана будаўніцтва скрыні царкоўнага дома, і завершаны дахавыя работы дома.

2010 год - скончаны бетонныя і цагляныя работы ў будаўніцтве Благавешчанскага храма.

2011 год - завершана ўстаноўка дахавых канструкцый Благавешчанскага храма.

У 2012 годзе Праасвяшчэннейшым Арцеміем, епіскапам Гродзенскім і Ваўкавыскім былі асвечаны званы для храма. Устаноўлены званы, купал і крыж на званіцу. Званіца пакрыта бляхай.

(Храм Благовещения Пресвятой Богородицы [Электронны рэсурс] // Гроденская епархия Белорусской Православной Церкви Московского Патриархата. – Рэжым доступу: https://orthos.org/khramy/kartochki-khramov/khram-blagovesheniya-presvyatoi-bogorodify-volkovysk/. – Дата доступу : 04.05.2024.) Інфармацыю знайшоў Чувак А.А.