Утварэнне прыходу было ажыццёўлена ў 1997 годзе іерэем Валянцінам Шэлестам, настаяцелем прыходу храма святога вернага князя Аляксандра Неўскага в. Крэва Смаргонскага раёна. Было вырашана пабудаваць храм у гонар святых Віленскіх пакутнікаў. Асвечана месца на ўскраіне горада ў раёне «Сельгастэхнікі», закладзены камень.

У 1999 годзе Праасвяшчэннейшым Гурыем, епіскапам Наваградскім і Лідскім абслугоўваць зарэгістраваную абшчыну быў прызначаны іерэй Валянцін Гунькевіч. Па благаславенні Ўладара Гурыя быў пастаўлены часовы храм — чыгуначны вагон. Храм-вагон быў добраўпарадкаваны для правядзення набажэнстваў. 9 верасня 2000 года была ахвяравана ікона з мошчамі святых Віленскіх пакутнікаў.

У 2006 годзе па благаславенні Праасвяшчэннейшага Гурыя, епіскапа Наваградскага і Лідскага настаяцелем храма святых Віленскіх пакутнікаў быў прызначаны іерэй Міхаіл Вяроха.

У 2009 годзе Высокапраасвяшчэннейшы Гурый, Архіепіскап Наваградскі і Лідскі здзейсніў закладку капсулы і асвяціў падмурак храма, які будаваўся.

12 красавіка 2014 года Высокапраасвяшчэннейшым Гурыем, Архіепіскапам Наваградскім і Лідскім храм святых Віленскіх пакутнікаў быў асвечаны.

Виленских мучеников [Электронный ресурс] // Лидская епархия. – Режим доступа: http://lida-eparhia.by/?page_id=392. – Дата доступа: 10.01.2021.

Леанід Воранаў - аўтар іканастаса