У 2010 годзе было прынята рашэнне аб будаўніцтве новага храма і выдзяленні зямельнага ўчастка на вул. Катоўскага. Афармленне праектна-каштарыснай дакументацыі аказалася спалучана са значнымі фінансавымі выдаткамі.

У 2011 годзе асноўныя намаганні прыходу храма Пакрова Прасвятой Багародзіцы былі накіраваны на распрацоўку праектна-каштарыснай дакументацыі будучага будынка храма. Былі выкананы ўсе часткі будаўнічага праекта (канструктыўная, архітэктурная, ацяпленне і вентыляцыя, каналізацыя і водазабеспячэнне, электрычная, газазабеспячэння і экалагічная).

26 жніўня 2012 г. на месцы будаўніцтва будучага Свята-Пакроўскага храма быў здзейснены чын асновы царквы і узьняцьця паклоннага крыжа.

20 кастрычніка 2012 года Высокапраасвяшчэннейшы Арцемій архіепіскап Гродзенскі і Ваўкавыскі заклаў першы камень у падмурак Пакроўскага храма ў Ваўкавыску.

У 2013 г. былі ўзведзены падмуркі царквы.

У 2014 г. пачалося ўзвядзенне сцен будучага храма.